Xabaringiz bor, umumiy o‘rta ta’lim maktablari o‘quvchilari o‘rtasida buyuk jadid allomalarimiz, adib va mutafakkirlarimizning boy ma’naviy merosini keng targ‘ib etish hamda yoshlarning ma’naviy dunyosini boyitish maqsadida “Jadidlar izidan” respublika tanlovi o‘tkazilishi e’lon qilingan edi. Bugun bo’lib o’tgan mazkur tanlovda tumanimizdagi 1869 nafar o‘quvchi ushbu ishtirok etish uchun ro‘yxatdan o‘tgan. Tanlov Bag‘dod tumanidagi 17-umumiy o‘rta ta’lim maktabida bo‘lib o‘tdi. Tadbirni tuman Maktabgacha va maktab ta’limi bo‘limi mudiri (v.v.b) boshlig‘i Nigoraxon Mamatusmonova kirish so’zi bilan ochib berdi. U o‘z so‘zida tanlovning belgilangan tartib va talablar asosida adolatli o‘tishini ta’kidlab, barcha ishtirokchilarga omad tiladi. Tanlov yakunlariga ko‘ra, 27-maktab o‘quvchilari Anora Nuriddinova va Mohinur Rahmonaliyeva g‘olib deb topildilar.